لِيهْ ؟؟ !!
الدنيا ليه حزينه
ولَّا دا بقي حالي
شايفة العيون دامعه
من فرقة الغالي
حتي النجوم ع الشجر
عناقيد ما تحلا لي
أنوارها محبوسه
والكون براح خالي
والصبح ليه عتمه
دي الشمس أهي قبالي
مخنوقه أنوارها
ضي ما عاد غالي
والليل طويل وعنيد
عاجبه كدا...
More
لِيهْ ؟؟ !!
الدنيا ليه حزينه
ولَّا دا بقي حالي
شايفة العيون دامعه
من فرقة الغالي
حتي النجوم ع الشجر
عناقيد ما تحلا لي
أنوارها محبوسه
والكون براح خالي
والصبح ليه عتمه
دي الشمس أهي قبالي
مخنوقه أنوارها
ضي ما عاد غالي
والليل طويل وعنيد
عاجبه كدا حالي
نجم اللي فوق في السما
لأ .. طيف في خيالي
بالطرحه مِطّرّح
والضي مِدَّارِي
لون الشجر باهت
وعصافير ما بتلالي
يا دنيا فيكي العجب
يرخص لك الغالي
علمتيني النواح
عمره ما كان حالي
علمتيني البُكا
ونسيتي تقوليهالي
أبكي علي اللي راح
ولا أبكي علي حالي
ب أحلم ب طاقة نور
والعيشة تهنا لي
Less