1. ALTXOR BILATZAILE AGENTZIA Hilabete batzuk paseak ziren abentura zirraragarri hartatik. Abentura bizia izan zen, biziki bizitako abentura, abentura matematikoa. Eta bizirik zirauen. Hamaika lagunak egunero, edo ia egunero, elkartzen ziren beraien...
More
1. ALTXOR BILATZAILE AGENTZIA Hilabete batzuk paseak ziren abentura zirraragarri hartatik. Abentura bizia izan zen, biziki bizitako abentura, abentura matematikoa. Eta bizirik zirauen. Hamaika lagunak egunero, edo ia egunero, elkartzen ziren beraien gotorlekuan, Alejandriako liburutegiko idatziak topatu zituzten gordelekuan. Itsasondoko Santa Krutz ermitaren azpian topatu zuten altxorra, eta hasiera batean bertako zaintzaileak baziren ere, benetako pitagorikoak, ezin izan zioten sekretuari luzaroan eutsi. Ehunka, milaka idatzi eta liburu zituzten beraien kargu, historiako liburu eta idatzi garrantzitsuenak; nola bada sekretuan gorde? Jakintzaren babesleak izan ziren hilabete batzuetan, azken pitagorikoak, baina jakintza elkarbanatzea erabaki zuten, jakintza zabaltzea. Beraiek topatutako altxorra munduko museo ezagunenetan sakabanatu zen, eta eurak famatuak egin ziren. Munduko egunkari eta albistegi guztietan azalean agertu ziren. Udane, Julen, Laida, Sua, Leire, Geovana, Izaro, Nahiare
Less