Bizitzaren muga (Grimm anaiek jasoa) KONTALARIA: Jainkoak mundua sortu eta izaki guztiei bizitzeko epea zehaztu nahi izan zienean, astoa agertu zen eta galdetu zion: ASTOA: Jauna, zenbat denbora biziko naiz? JAINKOA: Hogeita hamar urte, ondo iruditzen...
More
Bizitzaren muga (Grimm anaiek jasoa) KONTALARIA: Jainkoak mundua sortu eta izaki guztiei bizitzeko epea zehaztu nahi izan zienean, astoa agertu zen eta galdetu zion: ASTOA: Jauna, zenbat denbora biziko naiz? JAINKOA: Hogeita hamar urte, ondo iruditzen zaizu? ASTOA: Zera, jauna, denbora gehiegi da. Kontu egiozu nire bizimodu petralari: zama gogorrak garraiatu beharra goizean hasi eta iluntzera arte, errotara arto-zakuak eraman beharra beste guztiek ogia jan dezaten, eta niretzat ukaldiak eta ostikadak besterik ez, erne eta bizi nadin! Barka iezadazu bizialdi luze horren zati bat. KONTALARIA: Errukitu zen Jainkoa eta eman zizkion hemezortzi urte. Alde egin zuen handik astoa kontsolaturik, eta zakurra azaldu zen. JAINKOA: Zenbat denbora bizi nahi duzu? Astoaren iritzian hogeita hamar urte gehiegi dira, baina zu ados egongo zara horiekin. ZAKURRA: Jauna, ba ote da hori zure nahia? Kontua egin ezazu zenbat ibili beharko dudan arineketan; nire hankek ezingo dute hori jasan; eta behin galduz
Less