Рисолат Ҳайдарова. Жавзо (роман)
www.ziyouz.com kutubxonasi 1
РИСОЛАТ ҲАЙДАРОВА
ЖАВЗО
(тарихий роман)
Баҳорнинг поёни Хуросон учун фавқулодда даражада иссиқ
келди. Жавзонинг бошида куннинг бу қадар қизиганини ҳатто
кексалар ҳам эслай олмас эдилар. Саврнинг...
More
Рисолат Ҳайдарова. Жавзо (роман)
www.ziyouz.com kutubxonasi 1
РИСОЛАТ ҲАЙДАРОВА
ЖАВЗО
(тарихий роман)
Баҳорнинг поёни Хуросон учун фавқулодда даражада иссиқ
келди. Жавзонинг бошида куннинг бу қадар қизиганини ҳатто
кексалар ҳам эслай олмас эдилар. Саврнинг момақалдироқли
ёмғирлари тугаганига атиги ўн кун бўлди. Аммо одамлар наздида
ёмғирлар аллақанча вақтлар аввал қуйгандек... Ёқимли илиқлик
тўсатдан лоҳас этарлик димликка айланганидан кишилар кўнгли
алағда, бунга сўнгги кунлардаги нотинчлик қўшилиб, Ҳирот аҳли
ҳаётидан осойиш кўтарилган.
Баширкат шоҳларнинг1 бири Қандаҳорга, иккинчиси
Астрободга қочган, шаҳарда саросималик. Дўконлар ёпиқ,
расталар жим-жит, гузарлар кимсасиз. «Боғи Зоғон» атрофида
ўттизлаб отлиқлар кўринади.
Боғ девори тепасига кўтарилган қуёш муаззам сардара2 ёнида
қотган соқчиларнинг соясини чўзиб орқага ташлаган, тим-тирс
ёпиқ дарвоза ортида, узун йўлакда бир тўп навкарлар ўқчилар
ўткирлаган ёйлар тўла садоқлари елкаларига осиғлиқ, ниманидир
кутадилар. Жавзонинг бир
Less
